“Ulug‘imsan, Vatanim” mavzusida videoroliklar tanlovi e’lon qilindi

18:11 / 13.11.2023 26180
Saqlash

Respublika Maʼnaviyat va maʼrifat markazi Oʻzbekiston Respublikasi Davlat bayrogʻining 32 yilligi munosabati bilan “Ulug‘imsan, Vatanim” mavzusida videoroliklar tanlovini eʼlon qiladi.

 

Tanlovga Davlat bayrogʻi haqidagi 3 daqiqadan oshmaydigan videoroliklar qabul qilinadi.

 

Ishtirokchilar ijodiy ishlarini ijtimoiy tarmoqlardagi o‘z sahifalariga #bayroq32 heshtegi bilan joylab, havolasini Oyina.uz portalining Telegramdagi @oyinauz_bot manziliga shaxsiy maʼlumotlari (pasport nusxasi, bog‘lanish uchun telefon raqami) bilan birga yuborishi talab etiladi.

 

Videoroliklar 17-noyabr kuni soat 15:00 ga qadar qabul qilinadi.

 

Tanlov g‘oliblari 32, 43, 50 dyumli televizor, kitoblar to‘plami hamda Respublika Maʼnaviyat va maʼrifat markazining diplomi bilan taqdirlanadi:

 

  • 1-o‘rin – televizor (50 o‘lchamli),
  • 2-o‘rin – televizor (43 o‘lchamli),
  • 3-o‘rin – televizor (32 o‘lchamli).

 

Yana 3 ta rag‘batlantiruvchi o‘ringa kitoblar to‘plami taqdim etiladi.

 

Tanlov haqidagi barcha maʼlumotlar Oyina.uz portali va uning Telegram kanalida eʼlon qilib boriladi.

 

Oyina.uz'ni Telegramda kuzating!

5 Izohlar

Asalxon

07:11 / 17.11.2023

Tanlov menga yoqdi

Ra'no

07:11 / 17.11.2023

Rahmat bizga ham yoqdi tanlov ,shuning uchun oilaviy farzandlarim bilan tayyorlangan videorolikni feysbukka joyladik havolasinii botga yubordik,rasmlarni ham oʻzlari chizdi.Shunday tanlovlar koʻp boʻlsin.Tashkilotchilarga rahmat .

Mansurbek Ergashov

07:11 / 17.11.2023

Bayrog'imizning 32 yilligi bilan tabriklayman

Nilufar

06:11 / 17.11.2023

Zoʻr tanlov. Yashasin Oʻzbekiston.

Mexriniso

05:11 / 17.11.2023

Ushbu tanlovni tashkil qilganlarga raxmat! Yaxhi g‘oya tanlov manga yoqdi. Izlandim, bayrog‘imiz to‘g‘risida ma'lumorlar to‘pladum xullas ishtirok etdim. Barcha ishtirokchilarga omad tilauman.

Izoh qoldirish