Zoyir Mirzayev “Har bir inson hayoti davomida oʻqishi shart boʻlgan 10 kitob” tavsiya qiladi


Saqlash
23:08 / 03.08.2023 2555 4

Oyina.uz portali 100 kun mobaynida oʻzbekning 100 ziyolisidan “HAR BIR INSON HAYOTI DAVOMIDA OʻQISHI SHART BOʻLGAN 10 KITOB” tavsiyasini berib boradi.

 

Loyihaning 26-kuni Toshkent viloyati hokimi Zoyir Mirzayev “Har bir inson hayoti davomida oʻqishi shart boʻlgan 10 kitob” tavsiya qiladi:

 

1. Marsel Brion, “Menkim Sohibqiron Temur” asari

Tarix, ayniqsa, milliy oʻtmishimizga oid asarlarni oʻqishga doim intilaman. Qolaversa, buyuk sarkarda bobomiz haqidagi xorijliklar fikri doim meni qiziqtirgan. Bu asarni shu jihatlaridan kelib chiqib, oʻqishni tavsiya qila olaman.

 

2. Amir Temur, “Temur tuzuklari” asari

Bu hayotiy kitobni har bir vatandoshimiz albatta oʻqib chiqishi kerak boʻlgan asar, deb hisoblayman. “Temur tuzuklari”ni oʻqib davlatchiligimiz tarixi qanchalik buyuk va sohibqiron bobomiz nechogʻlik adolatli boʻlganini chuqur his qilish mumkin.

 

3. Abdusaid Koʻchimovning qissa, hikoya va esselari

Abdusaid akaning deyarli barcha asarlarini, esse va xotiralarini oʻqib chiqqanman. Adibga alohida hurmatim bor. Ijodkor bilan tez-tez fikr almashib, adabiyot va sanʼat, jurnalistika borasida suhbatlashib turamiz.

 

4. Erkin Vohidov, “Saylanma”

Hisoblab koʻrsam, alloma shoirning 130 dan ortiq sheʼrlarini yoddan bilar ekanman. Ish jarayonida shoirning oʻqilishi oson, mazmuni chuqur sheʼrlaridan koʻp misollar keltirib turaman. Men yoshlik kezlarimdan sheʼriyatga qiziqaman, mashhur sheʼrlarni yod olish talabalik vaqtimda sevimli mashgʻulotim edi. Hozir ham imkon qadar matbuotda, ijtimoiy tarmoqlarda eʼlon qilinayotgan sheʼrlarni oʻqib boraman.

 

5. Muhammad Yusufning barcha sheʼrlari

Bunaqa shoir kamdan kam tugʻiladi. Juda koʻp sheʼrlarini yoddan bilaman. Bir vaqtlar, yosh paytlarimda, shoirning uyiga borib, suhbatini olganmiz. Uning Qoʻchqor ismli jiyani mening oʻrtogʻim edi. Inson sifatida ham, shoir sifatida ham oʻziga xos edi, boshqalarga oʻxshamasdi.

 

6. Togʻay Murod, “Ot kishnagan oqshom” qissasi

Or-nomusini bir umr asrab-avaylab yashagan Ziyodulla chavandoz va uning Tarlon oti haqidagi bu asarni bir nafasda, mazza qilib oʻqiganman. Ayni asarni ham har bir yurtdoshimiz albatta oʻqishi, uqishi kerak, deb hisoblayman.

 

7. Shahodat Isoxonovaning detektiv asarlari

Muallifning asarlari qisqa va juda qiziqarli. Oʻqishni boshlasangiz tugatmaguncha koʻngil joyiga tushmaydi. Asar syujetini oldindan taxmin qilib boʻlmaydi.

 

8. Muhammadjon Quronov, “Oʻzimizning oʻzbekona maʼnaviyatimiz bor” toʻplami

Muallifning shu va boshqa kitoblarida, maqolalarida milliy tarbiya masalalari chuqur ochib beriladi. Bu kitobda ham koʻz oʻngimizda yoʻqolib, real hayotda qadri susayib borayotgan milliy xarakter mavzusida kuyinchaklik bilan dolzarb fikrlar aytilgan.

 

9. Fyodor Razzoqov, “Sharof Rashidov: hayot va mamot” asari

Atoqli davlat arbobi, xalqimizning suyukli farzandi Sharof Rashidovning umr yoʻli haqidagi bu asarni katta qiziqish bilan oʻqidim. Yurtdoshlarimiz uchun ham qiziq boʻlsa kerak, nazarimda.

 

10. Oybek, “Navoiy” romani

Talabaligimizda “Iqtisodchi” nomli QVZ jamoamiz boʻlardi. Men jamoa sardori edim. Oʻshanda qiziqarli gʻoya, mavzular izlab Oybek asarlariga koʻp murojaat qilardik. Bu kitobni shunchalik koʻp oʻqiganmanki, asar boshidagi 20-30 sahifa deyarli yod boʻlib ketgan. Mumtoz asar. Hamma oʻqishi kerak, deb hisoblayman. Hozirgi zamon oʻquvchilari uchun Navoiyni tushunish shu asardan boshlanadi, deyishim mumkin.

 

Zoyir Mirzayev 1968-yili Samarqand viloyati, Jomboy tumanida tugʻilgan. Toshkent moliya institutini iqtisodchi mutaxassisligi boʻyicha tamomlagan (1994).

Samarqand viloyati Jomboy tumani hokimi (2003-2004), Samarqand shahar hokimi (2008-2010) Samarqand viloyati hokimi (2010-2016) Qashqadaryo viloyati hokimi (2019-2021) etib tayinlangan.

 

Oʻzbekiston Respublikasi Oliy Majlisi Senatining aʼzosi (2010-2018), Oʻzbekiston Bosh vazirining oʻrinbosari – Qishloq va suv xoʻjaligi vaziri (2016-2018). 2022-yildan Toshkent viloyati hokimi lavozimida faoliyat yuritmoqda.

 

Oʻxshash maqolalar: Huquqshunos Xushnudbek XudoyberdiyevHar bir inson hayoti davomida oʻqishi shart boʻlgan 10 kitobtavsiya qiladi

 

Yozuvchi Nazar Eshonqul “Har bir inson hayoti davomida o‘qishi shart bo‘lgan 10 kitob” tavsiya qiladi

 

 

 Oyina.uzni Telegramda oʻqing!

4 Izohlar

Узакова Комола

19:08 / 05.08.2023

Мен хам кушиламан лекин хозир купчилик деярли китоб укимай куйишган жуда хам ачинарли холат. Хозирги ёшларга рахмим келади. Миллион нархли телефон суртиб ошишга пул сарф килади лекин китоб сотиб олишга огирсинади.

Fotima

03:08 / 04.08.2023

Assalomu alaykum raxmat bu kitoblar orasida o'qimagan kitoblarimiz ham bor ekan albatta o'qimiz. Shu o'rinda O'tkir Hoshimovning "Ikki eshik orasi" romanini ham o'qishni tavsiya qilaman.

Dilafruz

02:08 / 04.08.2023

Бу китобларда раҳбар ходимлар учун зарур бўлган асарлар жамланган. Муҳаммад Юсуфнинг ше’рий тўпламлари эса раҳбарлар меҳр-оқибат ҳислатларини йўқотмаслиги учун тавсия қилинганга ўхшайди. Зўр тавсиялар.👍👍👍

Эргаш

02:08 / 04.08.2023

Ажойиб асарлар тавсия этибдилар. Навоий ромонини мен ҳам ўқувчилик кезларим роса ўқирдим

Izoh qoldirish

So‘nggi maqolalar

Barchasi

Ma’naviyat

14:05 / 21.05.2024 0 192
Layk gadolari yoxud xatarli inkubator





Ko‘p o‘qilgan

Barchasi

Adabiyot

18:04 / 05.04.2024 0 19480
Yaponiya sotuvga qo‘yiladi

San’at

11:08 / 28.08.2021 8 16908
Dunyoning eng mashhur va qadimiy besh muzeyi