– Ommaviy axborot vositalari va Telegram-kanallarda ko‘plab zo‘ravonlik, shavqatsizlik, ma’naviy buzuqlik, pornografiyani targ‘ib qiluvchi materiallar tarqalyapti. Biz ularning egalarini aniqlamoqdamiz va tegishli ogohlantirish beryapmiz. Lekin keyingi ko‘riladigan choramiz jiddiy emas. Ya’ni o‘sha materialni o‘chirish, cheklash yoki bunday holat qaytarilmasligi bo‘yicha hech qanaqa sanksiyalar yo‘q… Shuning uchun, avvalo, ushbu masalada ma’muriy javobgarlik belgilansa, yaxshi bo‘lardi, – dedi Axborot va ommaviy kommunikatsiyalar agentligi direktori Asadjon Xo‘jayev Oliy Majlis Senatining 26-yalpi majlisida.