Misr davlat kutubxonasida buyuk alloma Alisher Navoiy tavalludining 583 yilligiga bagʻishlangan adabiy-maʼrifiy tadbir boʻlib oʻtdi.

Unda Navoiyning “Muhokamat ul-lugʻatayn” asari turkiy tilning barcha jozibasi va imkoniyatlarini isbotlab bergani misliklar tomonida katta qiziqish uygʻotgani aytildi.

Shuningdek, tadbir davomida Misr vakillari Navoiy kabi buyuk shoirning asarlari hozirga qadar arab tiliga tarjima qilinmaganini afsus bilan qayd etgan.

Xabarda aytilishicha, endilikda misrlik mutaxassislar bilan birgalikda yangi loyihalarni amalga oshirish, dastlabki bosqichda Navoiyning buyuk “Xamsa” asarini arab tiliga tarjima qilish taklifi ilgari surilgan.