Oʻmon Oʻzbekiston fuqarolari uchun vizasiz rejimni joriy qildi.

Maʼlum boʻlishicha, endi oʻzbekistonliklar mazkur mamlakatda 14 kun davomida vizasiz yurishi mumkin. Bu haqida Oʻmonning Oʻzbekistondagi elchixonasi maʼlum qilgan.

Shuningdek, agar mamlakatda mazkur muddatdan koʻproq vaqt mobaynida boʻlishni istagan oʻzbekistonliklar boʻlsa, ular Oʻmonga kirish paytida aeroportning oʻzida kirish vizasini rasmiylashtirishi mumkin.

Maʼlumot oʻrnida, 2021-yil 1-martdan boshlab Oʻmon fuqarolari uchun Oʻzbekiston hududiga 10 kunlik muddatga vizasiz rejim joriy qilingan.

Oldinroq TIV oʻzbekistonliklar vizasiz sayohat qilishi mumkin boʻlgan davlatlar roʻyxatini eʼlon qilgan edi.