Статистика агентлигининг маълумотларига кўра 2024 йилнинг январь ойида Ўзбекистонда қарийб 6,7 трлн сўмлик қурилиш ишлари бажарилган.

Қурилиш ва уй-жой коммунал хўжалиги вазирлигининг хабарига кўра, мазкур кўрсаткич 2023 йилнинг мос даври билан солиштирилганда 24,5 %га ошган.

2024 йилнинг 1 январь ҳолатига Ўзбекистонда қурилиш фаолияти билан шуғулланаётган корхона ва ташкилотлар сони 34 629 тани ташкил этган.

Қурилиш корхоналарининг 7 408 таси Тошкент шаҳрида жойлашган. Бу кўрсаткич республиканинг 21,4 % ни ташкил этмоқда.