Бу ҳақида Энергетика вазирлиги ахборот хизмати раҳбари Ҳасан Тошхўжаев хабар берди.

Расмийнинг сўзларига кўра, метан «заправка»лар фаолиятига киритилган чекловлар бугундан, маҳаллий ҳокимликлар билан келишилган ҳолда, аввалдан белгиланган режа-график асосида босқичма-босқич олиб ташланмоқда.

Маълумот учун, метан газ қуйиш шохобчалари билан боғлиқ вазият ҳақида кун давомида маҳаллий ҳокимликлар ахборот ресурсларида, шунингдек, «Ҳудудгазтаъминот» АЖ ва Энергетика вазирлигининг расмий ахборот манбалари орқали хабар қилиб борилади.