Mashhur turk shoirlari hayotidan qiziqarli voqealar


Saqlash
10:10 / 12.10.2023 0 1922

* * *

Mahkamada shifokor Najib Fozilga oʻdagʻaylabdi:

– Seni boshqa oldimda koʻrmay, xoʻpmi?

Shoir hozirjavoblik bilan debdi:

– Jonim shifokor, nima, pensiyaga chiqmoqchimisiz?

 

* * *

Taniqli shoir Yahyo Kamol bir kuni tepalikka chiqayotib charchab qoladi. Tepalik boshidagi kafedan girgitton baqiradi:

– Xush kelibsiz, bey, nimadir olasizmi?

– Bolam, imkoni boʻlsa, biroz dam olishni istayman.

 

* * *

Kunlarning birida bir odam taniqli shoir Najib Fozil Kisakurakka shunday deydi:

– Fransiyada chiqqan ensiklopediyaga faqat ikki shoirning nomini kiritishibdi.

Shoir darhol soʻraydi:

– Xoʻsh, kim ekan oʻsha ikkinchi shoir?

 

* * *

Bir kuni Najib Fozil Kisakurakdan soʻrashibdi:

– Ustoz, shaxsiy avtomobilingiz bormi?

Shoir biroz oʻylab, shunday debdi:

– Unga eng oxirida minaman.

 

* * *

Bir kun Jon Yujel doʻsti bilan Bodrumga yoʻl oladi. Avtobus yoʻlda kichik dam olishga ruxsat beradi. Besh daqiqadan soʻng hamma avtobusga qaytadi, birgina Jon Yujeldan boshqa. Hamma uni axtarishga tushadi. Birozdan soʻng u qoʻlida bir paket koʻtargancha, avtobusga chiqadi. Chiptachi savol beradi:

– Jon afandim, qayerda edingiz? Barchamiz sizni qidirdik.

– Raki olishga ketgandim.

– Axir oʻzi besh daqiqalik tanaffus bergandik.

– Bilaman, mana, shuning uchun ham kichkina shishaligidan oldim.

 

* * *

Jon Yujelning 70 yoshlik yubileyida boshlovchi hazil bilan unga soʻz berib, shunday deydi:

– Soʻz turkcha bilan oʻynashgan shoir Jon Yujelga!

Mikrofonni olgan shoir shunday javob qaytaradi:

– Adashding bolam, men turkcha bilan emas, turkcha men bilan oʻynashadi.

 

***

Mashhur shoir Nozim Hikmat qamoqxonada jazo muddatini oʻtayotganida Adliya vazirligidan bir odam hibsxonani tekshirishga keladi. Qamoqxona boshligʻidan Nozim Hikmat bilan uchrashtirishni soʻraydi. Shoirni chaqirishadi. Qisqa suhbat davomida vazirlik odami shoirga oʻtirishini taklif qilmaydi. Suhbat tugagach ketishiga ruxsat beradi. Shoir eshikdan chiqayotib ortiga oʻgiriladi va tekshiruvchidan soʻraydi:

– Umar Hayyomni taniysizmi?

– Albatta, uni tanimay boʻladimi?!

– Unda, ayting-chi, Umar Hayyom davrida mamlakat podshohi kim boʻlgan?

U kutilmagan savoldan gangib qoladi va javob berolmaydi. Shunda Nozim Hikmat unga deydi:

– Koʻrdingizmi, ijodkorni esladingiz, podshohini eslamadingiz. Vaqti kelsa, na Adliya vazirligini eslashadi, na sizni, ammo meni hamisha yodda saqlashadi. Shoir soʻzini tugatib ketadi. Tekshiruvchi xatosini tushunadi, biroq shoirni qancha chaqirmasin u ortiga qaytmaydi.

Toʻplovchi va tarjimon:

Rahmat BOBOJON

 

Izoh yo‘q

Izoh qoldirish

So‘nggi qo‘yilgan

Barchasi

Qatra

15:06 / 20.06.2024 0 55
Tilni qanday saqlab qolamiz?

Bilasizmi?

12:06 / 13.06.2024 0 302
Nemislar qanday qilib sanitar tozalikka o‘rgatilgan?

Qatra

17:06 / 11.06.2024 0 468
Oriyat

Qatra

10:06 / 11.06.2024 0 902
O‘g‘lim katta ishda ishlaydi…

Qatra

14:06 / 10.06.2024 0 698
XXI asrning qalampir maqoli



Ko‘p o‘qilgan

Barchasi

Qatra

20:12 / 07.12.2021 143 208228
Oppoq qog‘oz va qora dog‘

Hikmat

20:12 / 02.12.2021 88 98056
Eshikka osilgan taxtacha

Qomus

11:12 / 29.12.2021 4 23907
Kompetentlik

Qomus

17:08 / 04.08.2023 4 23519
Milliy urf-odatlar

Qomus

10:12 / 28.12.2021 9 17597
Manqurt(lik)

Qomus

15:07 / 28.07.2023 5 16805
Mehmon. Mehmondorchilik odobi. Mehmondo‘stlik

Qomus

12:04 / 17.04.2023 1 15588
Xarakter

Qomus

10:09 / 26.09.2023 3 13872
Ommaviy madaniyat

//