Haqorat


Saqlash
12:01 / 05.01.2024 0 479

Haqorat – kishining izzat-nafsi, iffati, gʻururiga tegadigan soʻzlar bilan shaʼni va qadr-qimmatini tushirish, tahqirlash amalga oshirilgan harakatni anglatuvchi tushuncha. Haqorat ogʻzaki, yozma ravishda yoki xatti-harakat, imo-ishoralar, shuningdek, boshqa shaxslar oldida yoki jabrlanuvchining eshitishiga ishonch hosil qilgan holda uning orqasidan amalga oshirilishi mumkin. Haqorat oqibatida maʼnaviy zugʻum tufayli shaxsning sogʻligʻiga shikast yetkazilishi mumkinligini ham istisno qilib boʻlmaydi. Shaxs shaʼni va qadr-qimmatini beodoblik bilan qasddan tahqirlash turli xatti-harakatlarda (masalan, beandishalik bilan soʻkish, turli haqoratomuz ibora va mulohazalarni yozish, yuziga tupurish, jabrlanuvchiga nisbatan behayo xatti-harakatlar va imo-ishoralar qilish va hokazo) ifodalanadi. Haqorat qilish jinoyatining tarkibi mavjud boʻlishi uchun shaxsning shaʼni va qadr-qimmatini tahqirlash beodoblik bilan, yaʼni jamiyatda qabul qilingan odob-axloq qoidalariga mutlaqo zid koʻrinishda ifodalanishi zarur. Haqorat qilish odatda bevosita sodir etiladi, ammo jabrlanuvchi bu haqda xabar topadi, degan taxmin bilan sirtdan, vositachi orqali ham amalga oshirilishi mumkin. Haqorat qilganlik uchun javobgarlik masalasini hal etishda jabrlanuvchi shaxsning hissiyotidan kelib chiqib, xulosa chiqarish mumkin emas. Bu hissiyot oʻziga haddan ziyod bino qoʻyish xususiyatidan kelib chiqqan boʻlishi ham mumkin. Xafa qilish har xil boʻlishi mumkin, ammo ularning hammasi ham haqorat boʻlavermaydi. Shaxs qadr-qimmatini tahqirlaydigan va beodoblik bilan qilingan harakatgina haqorat deb eʼtirof etiladi. Shaxsga berilgan salbiy baho haqiqatni aks ettiradi, ammo u beodoblik bilan bayon etilgan hollarda haqoratning tarkibi mavjud boʻladi. Aksincha, odob doirasida bayon etilgan tanqid haqorat hisoblanmaydi. Haqorat har doim maʼlum bir shaxsga qaratilgan boʻladi.

Izoh yo‘q

Izoh qoldirish

So‘nggi qo‘yilgan

Barchasi

Bilasizmi?

16:02 / 19.02.2024 0 421
Kechirasiz, bu yerda o‘lish taqiqlangan!

Hikmat

12:02 / 07.02.2024 0 161
Sher va qashqir

Bilasizmi?

16:01 / 24.01.2024 0 384
Sotsial lift nima va u nega kerak?

Hikmat

17:01 / 08.01.2024 0 685
Bir shoir va ikki vazir haqida hikoyat



Ko‘p o‘qilgan

Barchasi

Qatra

20:12 / 07.12.2021 141 200450
Oppoq qog‘oz va qora dog‘

Hikmat

20:12 / 02.12.2021 88 93100
Eshikka osilgan taxtacha

Qomus

11:12 / 29.12.2021 3 18919
Kompetentlik

Qomus

10:12 / 28.12.2021 7 12244
Manqurt(lik)

Qomus

15:07 / 28.07.2023 4 11808
Mehmon. Mehmondorchilik odobi. Mehmondo‘stlik

Bilasizmi?

11:11 / 08.11.2021 5 10110
Eng ko‘p uchraydigan 10 ta fobiya

Qomus

12:04 / 17.04.2023 1 9695
Xarakter

Bilasizmi?

11:10 / 11.10.2021 5 9694
Kashtachilik san’ati tarixi haqida bilasizmi?