Yerni sevmagan oʻzini sevmas.

⃰⃰⃰ ⃰⃰⃰⃰ ⃰

El qudrati – chin qudrat,

Vatan tuprogʻi – qimmat.

⃰⃰⃰ ⃰⃰⃰⃰ ⃰

Yurt boshiga ish tushsa,

Er yigit hozir.

⃰⃰⃰ ⃰⃰⃰⃰ ⃰

Tugʻilgan yerdan koʻngil uzilmas,

Yurt qoʻriganning yurti buzilmas.

⃰⃰⃰ ⃰⃰⃰⃰ ⃰

Tinchlik – farovonlik yoʻldoshi.

⃰⃰⃰ ⃰⃰⃰⃰ ⃰

Vatan qadrini bilmagan oʻz qadrini bilmas.

⃰⃰⃰ ⃰⃰⃰⃰ ⃰

Vatani borning baxti bor,
Mehnati borning – taxti.

⃰⃰⃰ ⃰⃰⃰⃰ ⃰

Vataning tinch – sen tinch.

⃰⃰⃰ ⃰⃰⃰⃰ ⃰

Vatanni sotgan er boʻlmas.

⃰⃰⃰ ⃰⃰⃰⃰ ⃰

Bulbul chamanni sevar,
Odam – Vatanni.

⃰⃰⃰ ⃰⃰⃰⃰ ⃰

Vatanga kelgan – imonga kelar.

⃰⃰⃰ ⃰⃰⃰⃰ ⃰

Vatansiz inson – kuysiz bulbul.

⃰⃰⃰ ⃰⃰⃰⃰ ⃰

Ona yerning tuprogʻi – ona sutidan aziz.

⃰⃰ ⃰⃰⃰⃰⃰⃰⃰ ⃰⃰⃰⃰

Ona yurting – oltin beshiging.

⃰⃰⃰ ⃰⃰⃰⃰ ⃰

Tugʻilgan yering – Vataning,
Vataning – nomusing.

⃰⃰⃰ ⃰⃰⃰⃰ ⃰

El bor boʻlsa, er xor boʻlmas,
Er bor boʻlsa, el xor boʻlmas.

⃰⃰⃰ ⃰⃰⃰⃰ ⃰

Oʻz uyim – oʻlan toʻshagim.

⃰⃰⃰ ⃰⃰⃰⃰ ⃰

Oʻz yurtingning qadri
Oʻzga yurtda bilinar.

⃰⃰⃰ ⃰⃰⃰⃰ ⃰

El boshiga kun tushsa,
El yaratgan er kelar.

⃰⃰⃰ ⃰⃰⃰⃰ ⃰

El boshiga tushgani –
Er boshiga tushgani.